種類 | 原理 | 優點 | 缺點 |
吹風式暖風機 |
機內發熱線產生熱力,再由風扇吹出 |
身體積一般較細 重量都較輕 升溫速度唔錯 適合一啲較細嘅空間用 |
環境變得乾燥 有一定運作噪音 |
陶瓷暖風機 |
利用空氣對流嚟發熱。而且配有熱敏電阻,即係當過熱時就會即刻斷電,因此會比一般暖風機安全 |
升溫速度快 保持到空氣入面嘅水份 唔會乾燥 |
放暖範圍較細 |
對流式暖爐 |
原理係抽入空氣後,經過電熱管加熱,由下至上輸出暖氣,與周圍冷空氣形成暖氣對流式循環效果 |
運作寧靜 溫度及散熱較均勻 |
加熱速度較慢 大部,有啲掗拃 |
充油式暖爐 |
將機內嘅化學油加熱,然後喺百葉管內循環,輸出熱力 |
運作寧靜 溫度及散熱較均勻 唔會乾燥 送暖範圍相對較廣 |
加熱速度較慢 做唔到即開即暖嘅效果 |
購買一部暖爐或者係暖風機之前,可以考慮吓會係咩地方用。只放喺房定放喺廳。如果放喺廳呢啲比較大嘅空間,暖氣有機會被吹散,未能直接令整個空間溫度提升!所以選購時要考慮房間面積,揀部合適電暖爐!
香港地土地問題,你懂的。暖爐一年用嘅時間都係2-3個月,所以暖爐或暖風機大細都係好重要嘅考慮因素!市面上已經有唔少暖爐或暖風機推出機身較薄丶尺寸小,或是可掛牆等款式。仲有啲廠商推出多合一款式,一機做到涼風、空氣清新,一年四季都可以用,無須為收納煩惱!
由於暖爐操作時好容易令到空間變得乾燥,皮膚乾燥人士可以選擇附有加濕功能嘅暖爐,定時吹出濕氣,將暖氣及濕氣二合一,保持房間濕度!
暖爐係季節性電器,每一次使用可以睇睇有冇損壞。而且要定時清潔暖爐,清潔前要抆插頭,等待暖爐完全冷至開始清潔。
唔用暖爐/暖風扇,應該要熄電,並抆插頭,以避免浪費電力及過熱發生意外。
而充油式暖爐一般都有翻倒自動斷電裝置。
冬天沖涼好多人都會拎埋個暖爐入浴室,但切記要留意暖爐嘅IP值,防水等級要至少達到IP21嘅要求,代表機身通過防滴測試,水滴從上而下滴濕暖爐也沒問題,而IP24的防水能力更高,代表機身通過防濺測試。
消委會喺2016年12月發表暖風機測試報告。呢次測試消委會搵咗市面15款暖風機,測試各機款嘅安全程度、加熱速度、暖風溫度同方便性及多功能程度等項目
有防水保護設計暖爐/暖風機 |
|||||
牌子 | 型號 | 安全程度 | 加熱程度 | 多功能及方便性 | 總評分 |
Delonghi | HCF3552TB | 5 | 4.5 | 4 | 4.5 |
Cellini | CBH20E | 5 | 4.5 | 4 | 4.5 |
Midea | NTB-20-15L | 5 | 3.5 | 4 | 4.5 |
Turbo Italy | TBH-204W | 5 | 4.5 | 4 | 4.5 |
沒有防水保護計的暖爐/暖風機 |
|||||
牌子 | 型號 | 安全程度 | 加熱程度 | 多功能及方便性 | 總評分 |
威馬 Goodway | GH60202 | 5 | 4.5 | 4.5 | 4.5 |
億威 Innoware | CH2000SL | 5 | 5 | 4 | 4.5 |
新朗 Cinetron | CT1500SB | 5 | 3 | 3.5 | 4.5 |
直立式暖風機 | |||||
牌子 | 型號 | 安全程度 | 加熱程度 | 多功能及方便性 | 總評分 |
惠而涌 Whirlpool | HT224 | 5 | 5 | 4 | 4.5 |
樂信牌 Rasonic | RA-CH2500L | 5 | 4.5 | 4.5 | 4.5 |
豐澤牌 Fortress | FHP2015 | 5 | 4 | 4 | 4.5 |
*(只列最高分型號)
雖然呢次評測都已經有4年之多,以上型號大多數已經過時,不過大家仍可以以高分品牌作信心之選,「有名有姓品質保證呀」
1. 唔好將電暖爐放喺電源插座下面,或較潮濕地方,例如:浴室(浴室專用暖爐除外)。
2. 除有特別設計嘅型號外,一般電暖爐唔可以晾乾衣褲咁用。
3. 電暖爐普遍功率較高,可能達2,500 Watt或以上,所以唔好同其他高耗電量電器共用電源。
4. 充油式電暖爐頗重,過度傾側時有可能翻側,有機會對小朋友構成危險。
5. 從表面睇唔出出暖爐發熱板有幾熱,意外掂到可能整到灼傷肌膚,必須小心。
6. 準備離開房間或唔用暖爐時,應先閂機,既安全又慳電。
7. 定期清潔電暖爐,清潔前必須抆咗插頭,並等待機身冷卻先開始清潔。